|
|
|
||||||||||
|
|||||||
| " لمسات مطبخ " الأكل فن ولون نستطيع رسم إبداعنا به .. |
|
|
أدوات الموضوع | انواع عرض الموضوع |
22-09-2010, 05:09 AM
|
#1 |
|
صديق نشيط
 
تاريخ التسجيل: Sep 2008
المشاركات: 802
الجنس :أنثى
  |
من أسراري لطبخ الرز المفلفل - عبير النحاس
اليوم طالع ببالي غيّر جو شوي عن القصص و المقالات و حابة احكي عن الطبخ و الأكل
بصراحة كل ما بفكر بلش بريجيم بتبدأ معدتي بتذكرني بالأكلات الدسمة و الطيبة و بتجي على بالي كل الشغلات الممنوعة  لهيك عم قول بحكي على النت عنها أحسن ما روح على المطبخ و اسكب شي صحن و خرب الريجيم اللي لساتو بأول عمره هلأ بنجي للجد بصراحة أنا لما تزوجت ما كنت بعرف اطبخ و كل شي بعرفه كان شغلات بتناسب العشا و ما كنت اسمع كلمة أمي لما تقول :" تعالي اتعلمي" المهم رحت على بيتي و كل اللي ببالي اني رح أعرف طالع متل أكلات الماما لما بتعلمني اياها على التلفون  و كملت القصة لما لقيت انو أكلات حماتي طيبة كتير و بتنهدى لملوك متل ما بيقولوا و تخيلوا على هالورطة المهم جربت بابن هالحلال كل التجارب اللي نزلت وزنه و كان يصبر شوي و يعلق شوي و يتأسف على أكلات أمو كتير بس بعدين و مع الخبرة بلشت مظاهر أكلاتي الطيبة تبين على وزن زوجي بس بقي ما بيعترف بوصولي لمرحلة بتنافس حماتي ... شي طبيعي و كنت عم اعذره و عم قول حرام خلي يكسب الرضى المهم كان لما بساوي أي أكلة بجنبها رز مفلفل يجيب زبدية و يعبيها رز و يقلب الزبدية على الصحن و بيطلع الرز متل شي قالب و بعدين بيحط الفلفل و بيقعد يتنغم بالرز بس بصمت ولما بسأله : " كيف شفتلي هالرزات بيقول: " يعني ماشي الحال بس مو كتير عم يلمع " و لما بقول مو شايف كيف الحبة أخت الحبة يعني مو مخبوصين أبدا و طالعين تمام كان يقول:" يمكن مو مستوي منيح"  المهم ما عدت تأملت بمديحه الصريح و كنت اكتفي بشوفة عيونه عم تغزل فرح لما بساوي شي عزيمة و بتطلع السفرة شي ظريف و كمان لما بيتنغم بالأكلات و بياكل فوق طاقته و بعدين بيحاول يهضم بالسفن أب  و أحلى شي صار معي برمضان لما بعتت لحماتي صحن ملوخية و صحن رز لأنها بتحبها و أنا اشتهيتلها اياهن فاتصلت فيني تاني يوم على البيت و كان الأستاذ موجود و شكرتني و قالت بالحرف: شو هالرز يا عبير و الله شي طيب كتير هاتي خبريني لشوف كيف بتعمليه و طبعا خبرتها و رفعت صوتي لحتى يسمع الأفندي و كان عم يتفرج على التلفزيون و يبتسم لأنه فهم قصدي منيح بلا طول سيرة و أكيد طولت بس كنت حابة ساوي تشويق للأكلة و أعطيك أسرار الرز المفلفل اللي أكيد بتحكي عن شطارة ست البيت و بتخلي الواحد ياكل و هو ما بدو يشبع و لما بيطلع معك طيب ادعيلي دعوة بظهر الغيب. هلأ القصة انو الرز الصغير كل مرة بيجي شكل بس بعد خبرة لقيت انو عيار كل كاسة رز كاسة مي بتناسب كل أنواع الرز المصري و الإيطالي و غيره و غيره طيب كيف بنشتغل يا ستي أنا لقيت انو أعمل الرز بالزيت النباتي و السمنة البلدي أو ال*****ي أحسن شي و بهالطريقة بتاخدي نكهة السمنة البلدي و بتاخدي فاعلية الزيت النباتي على الرز اللي بيعطيه لمعة و ما بيخليه يتخبص على بعضه و الطريقة بندوب معلقة سمنه و شي نص كاسة زيت نباتي صغيرة و لما بتسخن بنحط الشعيرية و بنخلي النار هادية و بنقلبها لحتى يصير اللون زهري تمام بعدين ننزل الرز بعد ما نغسله كويس لأنه لو ما كان الغسيل كويس بيطلع مو طيب بنحرك الرز لحتى يشرب الزيت و السمنة و بنضيف المي و الملح و بنحرك منيح لحتى نشيل اللي لزقوا بالطنجرة بنقوي النار شوي لحتى يبين الرز و بيصير مراية و هون بنهدي النار و بنحرك مرة تالتة كويس و بنغطي الطنجرة و بنتركه شي عشر دقايق على النار الهادية كتير بعدين بنطفي النار من دون ما نفتح الطنجرة و بنخليه شي عشر دقايق بعدين بنفتح و بنحرك قبل ما نصب بالجاط و نحط الفلفل على الوجه و صحتين و هنا  عبير النحاس التعديل الأخير تم بواسطة عبير النحاس ; 22-09-2010 الساعة 05:33 AM |
|
|
22-09-2010, 06:33 AM
|
#2 |
|
شريك المنتدى
تاريخ التسجيل: Nov 2005
الدولة: ضفاف الأمل
المشاركات: 10,335
الجنس :أنثى
|
السلام عليكم ورحمة الله وبركاته
ماشاء الله عليك أ.عبير القصه ماهي قصة وصفة فقط , أنتِ عطيتنا أمل في إجادة الطبخ  سلمت يداك . |
|
|
|
22-09-2010, 06:57 AM
|
#3 |
|
صديق مشارك
تاريخ التسجيل: May 2009
المشاركات: 400
الجنس :أنثى
|
سلمت يداك أ\عبير
بالنسبة للسمن البلدي أمي تعمله بالبيت لكن ماجربته مع الرز راح أجربه وجربي طبخ الرز باأواني الفخار وأدعيلي عيني ..شكراًلك |
|
|
|
22-09-2010, 01:00 PM
|
#4 |
|
مشرفة سابقة
تاريخ التسجيل: Jan 2006
الدولة: بِبُستان ورد ..
المشاركات: 5,930
الجنس :أنثى
|
|
|
|
|
23-09-2010, 02:58 AM
|
#5 | |
|
صديق نشيط
تاريخ التسجيل: Sep 2008
المشاركات: 802
الجنس :أنثى
|
اقتباس:
شرفت المكان أختي الكريمة صحيح الطبخ أمر سهل و لكنه يحتاج للمران و التشجيع و بعد معاناتي بت من أنصار دخول الصبايا للمطبخ و تدريبهن مبكرا سلمت أخية كل الود |
|
|
|
|
23-09-2010, 03:11 AM
|
#6 | |
|
صديق نشيط
تاريخ التسجيل: Sep 2008
المشاركات: 802
الجنس :أنثى
|
اقتباس:
كمان رح استنى النتيجة ممكن و الله أواني الفخار لا قبلها و لا بعدها بس اشتري شي طنجرة فخار رح جرب إن شاء الله كل الود لقلبك |
|
|
|
|
23-09-2010, 03:16 AM
|
#7 | |
|
صديق نشيط
تاريخ التسجيل: Sep 2008
المشاركات: 802
الجنس :أنثى
|
اقتباس:
مرحبا بك روعة أن تكون لدى الصبايا خبرة تدخل على الأقل إلى بيت الزوجية و هي واثقة من نفسها عقبال فرحتك يا غالية و تتهني بحياتك كل الود |
|
|
|
|
23-09-2010, 04:01 AM
|
#8 |
|
صديق ماسي مميز
تاريخ التسجيل: Jul 2006
المشاركات: 4,159
الجنس :أنثى
|
لم تبعدينا عن روائع قصصك المعتادين عليها في كل مكان,,
جميل جداً حكاياتك عزيزتي ,, عطيتينا أمل نصير ستات بيت كلاياتنا هههه دمت بود |
|
|
|
23-09-2010, 10:33 AM
|
#9 |
|
مشرفة سابقة
تاريخ التسجيل: Dec 2005
المشاركات: 9,986
الجنس :أنثى
|
ياهلا والله بأستاذتنا الغالية
وهالمرة بطبخاتها المميزة  ،، شكل هالرز كتير حلو ، في حدا من قريباتي الستات الكبار بيعملو شبيه بهالرز صراحة طعمه شهي كتير .. تسلمي على هيك وصفات منشان يتعلمو الآنسات والستات .  .ماننحرم من حضوركِ الجميل |
|
|
|
23-09-2010, 12:48 PM
|
#10 |
|
صديق مميز
تاريخ التسجيل: Jul 2009
المشاركات: 1,131
الجنس :أنثى
|
سلمت يداك أ..عبير ...
والله شهيتينا امممممممم |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
