هذا مقال كتبته أخت مصرية بلهجتها العامية الحلوة أعجبني فنقلته

إيه الفرق بين باباكى وجوزك ... .؟؟


مع بابا.. دخلتى المطبخ ما دخلتيش .. كله واحد وممكن باباكى يساعدك
إنما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديّه وفوقيها بوسه ..
لكن مع جوزك .. بيقول إنت خلاص كبرتى على الحاجات دى

مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. أو مع مواعيد شغلُه.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى أصلا

باباكى .. كلمة حلوه ترضيه ..
وجوزك .. طول الليل تِحَايلى فيه

باباكى وانتى عيانه .. سهران جنبك طول اليوم
إنما جوزك بيروح ينام فى الأوضه التانيه.

بابا .. لما تِدّلّعى عليه .. بيفرح بيكى
إنما جوزك .. بيقولك ..أكيد عايزه حاجه

باباكى.. لما تقولى له .. ده حصل كذا وكذا .. بيهتم ويصَدّقك
إنما جوزك .. بيقولك .. الموضوع دا وراه إنّ .. ويشك فى كلامك

بابا .. لو شافك بتعيّطى ها يمسح دِمعتك
إنما جوزك .. ها يقولك يادى النكد



بابا .. لو طلب منك كُوبّاية مَيّه .. بيقولك لو سمحتى عايز مَيّه
إنما الباشا يقولك قومى هاتى مَيّه


لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو اتزحلقتى على الأرض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقولك عنك دى تقيله عليكى
لكن جوزك ها يقولك مش ضرورى وجع القلب دَه

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه أصلا وها يقولك يعنى انتى ها تشتغلى وزيره

باباكى لو لاحظ
إنك متخانقه مع أختك .. ها يصالحكوا على بعض
لكن جوزك هيقولك خليهم يولَعوا دول عيله عجب

مهما باباكى كان متضايق .. لا يمكن تكلّميه وتلاقيه مكشر
لكن جوزك.. لو متضايق .. البلد كُلّها هتنكد عليكي.. إستحملى بقى
ههههههه
وكُلى كُنافة

وبعدين عصير

وبالهنا والعافية

هلا بالغاية هالة

صحيح مو كل الأزواج كذا

بس صراحة اعجبني أسلوبها الظريف

لكن لحد يشيل هم ويترك الزواج علشان الموضوع

اللي يجيها عريس مناسب تتوكل على الله وتوافق

لكن لابد ولازم توطن نفسها للتغيير القادم

ومو شرط يكون للأسوأ !!

يمكن يكون الزوج حنون أكثر من الاهل

لكن أعيد وأكرر لا بد من التحمل تحسبا للتغير المفاجئ والصعب أحيانا، خصوصا في البداية

أسعد الله الجميع

ومشكورة ياهالة على المرور الحلو ياحلوة

سنة الله في خلقه

والانسان دائما في كبد

لو ماتزوجت الوحدة امترضت من الهم وكلام الناس

وإذا تزوجت أستقبلتها المسئوليات والكرف

لكن من صبر ظفر ..

والعبرة بالخواتيم .


مشكورة حبيبتي الوجد على التعليق الحلو