شوفوا كيف وافقن ذا الخبلااااااات

جهوده · 25-09-2008, 01:22 PM

سلاااااااام بنوتات

ياه من زماااااان عن الملتقلى ومواضيع الملتقى

حبينا نشارك لكم بالموضوع المضحك المبكي في نفس الوقت >>طبعا مضحكا لنا

مبكي

لاهل القصه

جايتكم بالسالفه على هونكم وش ذا العجله بكن

ترى وانا اختكن العجله موب زينه

يالله وهذي السالفه ( طبعا السويلفه ذي انا قريته في منتدى ثاني وقلت انقلها لكن )

كان هناك رجل يبلغ من العمر 35 سنة

وفي يوم من الايام اتفق هذا الشاب مع اهله ان يتزوج

فرح الاهل بقراره وراحوا على طول لجيرانهم عشان يخطبوا بنتهم

المهم اهل العروسه طلبوا مهلة عشان ياخذون راي البنت

لكن المهلة طالت وشمخت ولا حس ولا خبر ، الشاب المسكين بصراحة حس إنهم رافضينه

بس مستحيين يقولوها في وجهه

بــعد مدة ضاق الصبر في الشاب وراح وخطب وحده ثانيه

الخطيبه الثانيه وافقت على طول

وبعد يوم من موافقة الزوجه الثانيه جـــااااااااااااه الرد من بنت جيرانهم بالموافقة أيضا

بصراحة الرجال تورط ورطه غير طبيعيه

فكر الشاب كثيرا وقرر أخيرا أن يتزوج البنتين في ليلة واحدة ومن دون ما يدرون عن بعض

المهم اهل العروسه ألاولى : طلبوا يوم الزواج في يوم الخميس أول الشهر الجاي

راح الشاب واقنع العروسه الثانيه بالزواج في نفس اليوم الي يبي يتزوج فيه الزوجه الاولى

المهم في يوم الزواج يوم الخميس راح واخذ الزوجه الاولى من صالة الأفراح الأولى وذهب بها إلى الفندق

وقالها : انا ابجيب عشاء وجاي بسرعة

راح الزوج واخذ الزوجه الثانيه من صالة الأفراح الثانية وراح للمطـــعم وطلب عشـــاء 3 انفار و3 علب ببسي

الزوجه الثانيه استغربت وقالت

حنا اثنين مين النفر الثالث

رد عليها وقال: الحين تعرفين

جاب العشاء وراح لنفس الفندق الي فيه

العروسه الاولى ودخل العروسه الثانيه على الاولى ، والعروستين في

حالة ذهول وإندهاش ولا هم مصدقين اللي قاعد يصير

الشاب راح وفرش العشاء جهة اليمين ، ووقف وقالهم

تبونا نتفاهم أول ولا نتعشى أول

اللي تبي تتعشى أول تجي جهة اليمين

واللي تبي تتفاهم أول تجي جهة اليسار

العروستين اثنيناهم راحوا جهة اليسار

قالهم الشاب السالفة الي صارت من البداية للنهاية

وقالهم :

يا بنات انتم الحين زوجاتي ، بس ما في شيء بالغصب

اللي تبي تستمر معي حياها الله

والبنت الي تبي الطلاق ، تراني حاضر ، وورقتها تجيها بكرة

ردت الزوجه الأولى: انا ابيك

وقالت الزوجه الثانية : انا بعد ابيك

قـــــال الزوج : اجــــــــــل تعالو جهة اليمين

سمـــــو بالله وتعـــــشو.........

هههههههههههههههههههههههههه

ما قلتلكن انها مضحكة لنا

اقول بس ربي يعينهن الصدمه واجد كبيره بس خوفي انهن فقدن عقولهن من سواة ابو الشباب فيهن

د.سحر الصايغ · 25-09-2008, 01:33 PM

..احترمته كثير
..متحاور ومهذب
..ولم يجرحهن
..فوفقه الله

هم دولم الرجاله ولا بلاااااااااااااااااش

هاهاها

...

هاله الغامدي · 25-09-2008, 01:46 PM

أضحك الله سنك ياغلا

الله لايورينا متل اللي صار

محبتي

أثير الود · 25-09-2008, 04:09 PM

ههههههههههههههههههههههههههههههههههههههههههههه

مشكوووووووورة جهوده

** هـــديـــل ** · 25-09-2008, 04:58 PM

اليوم وافقن <<
بكرا بيطلعن الشيب براسه < الله يعيينه ,
هو اللي جايبها لنفسه .

ولابعد شوفي كم عمره < اللي بعمره معرس ثنتين < هو لقها فرصه .

جد مضحكه ’’ .

ورود الصباح · 25-09-2008, 06:47 PM

ههههههه

حلوـوـوة

تشكراتي..؛

لآلئ حجازية · 25-09-2008, 08:35 PM

ههههههههههه

بس والله ريح نفسه من البداية ثنتين

نعمه عدد من اول ليله

الله يسعدكِ جهوده حلوه وربي

مودتي

أم المساكين · 26-09-2008, 02:23 AM

مرااااحب جهودة |

يعطيك العافية ..منقول حلو

تصدقي عمي قلي حكاية حصلت عندهم زمان ...لكن كان الفرق

بين زواج الأولى والثانية أسبوع ...وتقريباً نفس تفاصيل الحكاية

لكن في ليلة واحدة هذه أحسها مصيبة ..

ربك يعين

إحساس قلم* · 05-10-2008, 12:38 AM

هههههههههههههههههههههههه مشكووووره

أسماء بنت ابراهيم · 05-10-2008, 12:55 AM

صراحة القصة غريبة وأقرب ماتكون خيالية

لكن إذا هي حقيقية فهذا الرجل محظوظ بقبول الزوجتين به

والله يعينه على العدل ..

مشكورة ياجهودة على القصة الحلوة