بما أن العيد مناسبة ربانية وفرحة
نتعبد الله بها تعرفون
من هو ذا اللي زعلان ؟؟ هذا الشيطان بعد ما يفكونه الملائكة
ليلة العيد ، ما يبغاكم تفرحون بالعيد .. علشان كذا بصكه بابتسامة صفراااء
ياشباب يافتيات انا متفائل جدا بان هذا العيد سيكون من اسعد
الاعياد علي وعليكم باذن الكريم سبحانه ..
[ وش ترتيبكم اول يوم في العيد والسلام عليكم ]
ارجو من جميع النتدى الالاف يشاركون مااعذر الا الشيخ سلمان العودة بس
التعديل الأخير تم بواسطة : رياض الاحبة بتاريخ 25-09-2008 الساعة 11:40 AM.
أخي رياض
في اول ايام العيد بعد لبس الجديد والسلام على كل اللي في البيت
ارغب في الدهاب الى الصلاة في مصلى العيد قبل كان مصلى العيد
قريب وكنا نذهب مشي أما الان بعيد شوية لكن نسير بعد بالسيارة
شعور جميل والمسلمين متجمعين في العيد يعيدون على بعض
يكون الجو جميل جدا في شئ مومثل كل يوم ونحضر خطبة العيد
والصلاة بعدين نرد نتتاول الفطور ويا بعض
بعدين نزور أهلنا ويزورونا
بس قبل في الصباح يأتي الاطفال يبون العيدية
يجولون عطونا الله يعطيكم بيت مكه يوديكم
وكلهم لابسين اليديد الاولاد كنادير والبنات مخور وبعضهم ثياب عاديه بس يديدة
نعطيهم بيزات وحلوى ونسألهم وين حمدة يجلون أمها ماطيع تسير ويانا تجول أنها كبرت
الحين وصارت حرمة .....أجلهم سلموا عليها وأعطيهم بيزات وحلوى يعطوها أدري
ياحليلها بتستانس وايد
ونجولهم وين لظيفه و ميثا و ميرة وعفراء وعلياء
يجولون لظيفه و علياء بعد بس ميثا وميرة كاهم ياين
وأتذكر بعد علاوي و عبادي ورشود بس ماأسألهم وينهم
في العيد نكون سوينا في أيدنا حنه ولبسنا كندوره يديده
وشرينا وغيرنا بعض الاشياء في البيت
كنت أسير عند يدوتي الله يرحمها ويغمد روحها الجنة أدعي لها
كانت صدج تجمعنا
أول يوم ننقسم في يبون يتغدون في البيت وبعضهم يجولون الاالمطعم
وهدا هو العيد زيارات ومعايدة
بس نحاول بعد نرتاح الظهر لأنا نكون مارجدنا
وتحياتي لكم
وعساكم من عوادة
التعديل الأخير تم بواسطة : حمدة بتاريخ 26-09-2008 الساعة 02:20 PM.
هؤلاء الأعضاء يشكرونك يا "حمدة" على مشاركتك المفيدة:
تسمعوووووووووووووووووووون بالحماس
الصديق ابو عبدالباري انصحك تسوي عملية انتحارية ونرتاح شوي الله يعافيك
الاخت جهودة حولها تدندنين اشكرك على تفاعلك
الاخت حمدة لله در كلماتك .انت انت !
المزيد الله يقويكم .. كل الود
بسم الله الرحمن الرحيم
أول شيء بدء المعركة مع
تعرفون من هو هذا اللي يبكي هذا الشيطان أن شاء الله أنكم تهزمونه
وتعرفون أنه في رمضان ماله أي دور وأنه مصفد لذلك تبدأ المعركة في أول يوم من أيام العيد.
الأشياء الأخرى ذكرتها الأخت حمدة مشكورة.
ولا ننسى أن نشكر رياض الأحبه على طرح هذا السؤال.
والسلام عليكم ورحمة الله وبركاتة.
التعديل الأخير تم بواسطة : عبدالله الطالب بتاريخ 26-09-2008 الساعة 05:43 PM.
هؤلاء الأعضاء يشكرونك يا "عبدالله الطالب" على مشاركتك المفيدة:
ما اعذر الا الشيخ سلمان بس! 
تعرفون
العرض العادي
