السلام عليكن ورحمة الله وبركاته
في بيتنا قوانين صارمة لا نسمح بتجاوزها ومنها :
لا للسب و الشتم والكلمات البذيئه
اكيد اكثر بيوت المسلمين فيها مثل هذي القوانين يعني ما جبت شي جديد
و في مره من المرات قام في بيتنا شجار بين البنوتات يعني شجار بريئ
جائتني واحده من البنوتات وعلى وجهها ترتسم ملامح القهر و العصبيه
قائله : ماما شوفي اختي اخذت القلم مني
وانا رسمت علامات الفزعه على وجهي
وقلت لها : ايش اخذت القلم روحي قولي لها الله يهديك
البنت تنفست الصعداء يعني امها فزعت معها
رجعت الى اختها وقالت لها ما قلته وبعد حين رجعت الي ورجعت علامات القهر على وجهها وهي تقول :
ماما اختي قالت لي الله يهديك
!!!!!!!!!!!!!!!!!
متى صارت كلمة الله يهديك شتيمه
اما انا ما كان مني الا ان جلست اضحك على براءة الاطفال وانا احمد الله على نعمته
قوانين في بيتي اضحكتني 
ـــــامه
العرض العادي
