أحمد الرفيدي

ياشيخ .. جيتك من هواجيـــــــس ٍ رحـــاها تستــــــــدير
اسبـــاب حــلم ٍ .. ياالـهـي .. من عـــــــــــواقبه انجني

ياشيخ .. تكفا .. فسّــره يـــــومك بتفسيـــره خبيـــر
من روعتــــــــه لامهتـــــني زادي .. ولا نـــومي هني

ياشيخ .. انا ماني بكـــــافر .. يزبن مشعــــــــوذ حقيـــر
ياشيخ .. جيتـــك مســـــــــــلم ٍ ويقــــــول : يارب اهدني

ياشيخ .. ندري مايجي قبل رمضــــان الاّ القصيـــــر
والموت .. ذيــبٍ مادرى وين الربــــاع .. من الثني

ياشيخ .. انا عندي شـــدادٍ .. مــير .. ماعنـــدي بعيـــر
ماولف قلبي عالشقا .... ميــــر الشقا اللي .. ولفني

حلمت ياشيخ بعقالي .. طــــايح ٍ في وســـــــــط بيـــر
والناس حــولي .. نوب تمسكـــني .. ونــوب تهدني

وهجيت ابي الجيره .. لقيت( الضبــــع) ياشــيخ المجيـر
وطحت بردى الثنتيـــن .. يانّي آكـــله .. والا .. اكلني

قلت أعطي الخبـت اقدمي .. مثل السـروق المستــذير
واذا ( جهيـــنه ) عندها صدق الخبـــر.. صرت(جهنــي)

وكنّي زبنت ظـــلال نخــــــله .. باتفيّا من الهجير
والاّ انّي بجــّذع ٍ يقـلْ :- ماغيـــر مريـــم هــزّني

وشفت النبي ( يوسف ) بيده ( صواع ) مليانٍ شعيــــــر
وفي رحل (بنياميـــــن) .. ذيــب يقـــول :- معكم ودّني

وسبعة سنـابــل .. وسط حقل .. براس ضلع .. اكلته طير
وسنينها اْربعطش ..سبع عجـــاف.. في سبع ٍ ســني

واصوات رجلين البشر ( للنمل ) بالأمــن البشيـر
( والهدهــــد ) يدوّر على ( بلقيـــــس ) من بين البني

وكنّي حطبـــت من السّمــــر في صيــف بـــرده زمهرير
واْخذت لي عــــــــودٍ من الحزمـه باْشبّــــه .. شبــّــني

وشوي والا ّ انّي .. تقل مظلــــــــــوم في امر ٍ خطير
في ديــــــرةٍ .. واصفى هـــواها كان .. عج ٍّ سمّـــني

ديـــره .. بها ريــش النعــام يجّـرح فراش الحصــير
( وسبعــــــــــين جدر ٍ ) .. ينـــهدم من شــــان جدر ٍ ينـبني

والله يجيــــــرك شفت رزقي مثل بستـــــان ٍ كبيــر
في مغرســه طيّـب .. ولا ادري ليه .. ماطاب الجَني

والطيب .. ذنـبٍ مابعــد عذّبـــــــه تـأنيــــب الضمير
والخبـث .. شاعر .. كل عذراء جاته تقول :- اهجني

والشعر .. دجـــال ٍ ينــادي : - يافرزدق .. ياجـــــرير
غنوّا معي ( يامن هــــواه اعـــزّه ... وأذلـّني)

والعيـن .. طرقي تخنقـه غربـه ويضنيــه المسير
والصـدر .. طفل من الغلا .. يشهـق نشيدة موطني

وكنّ ( الغنى ) .. فارس من الديـباج .. وسلاحــه حرير
ماله عدوّ الاّ ( الفقــر) .. كم جاب قاصيه الدنـي

والفقـر .. عــودٍ .. له مرَه مشــلوله.. وورع ٍ ضرير
في ارذل العمر .. ان وِقَـفْ .. قاصي شمـوخه منحني

مير افتنــي ياشيخ .. مين افضل ؟ جـزاك الله خير
ماادري الغني ؟ والاّ فقيــر الحال ؟ .. ياشيخ افتني

هو ( الغني ).. اللي يزكّي بالسنــــه .. مرّه .. فقـيـر
والاّ ( الفقـير ) اللي .. قضى عمره زكاةٍ للغني

eiad_a22

صح لساااااااااااااااانك والله

أحمد الرفيدي

تسلم أخ ( إيااااد )

هذا من ذوقك .. صح بدنك .

مجروحة

رااااائعة جدا
لاول مرة أستمتع بجمال شيء لم افهمه كله لصعوبة اللهجة
لكن ذالك لم يمنع ان أشعر بجمالها
بارك الله فيك

أحمد الرفيدي

اشكــــــــــــــرك اختي ( مجروحة ) .

واذا فيه صعوبة في المفردات ممكن افيدك في
اي مفردة و ابين لك معناها ..

لكن انا متأكد بإن النص إذا قرئ اكثر من مره تسهل معرفة مفرداته ..
تحياتي لك و انتظري جديدي .