بسم الله الرحمن الرحيم وبه نستعين ...
السلام عليكم ..كيف الحال خواتي ؟؟
بما أن هذا أول موضوع لي .. قلت أكتب شي يستفيدون منه خواتي ويصب في ميزان حسناتي ..
الموضوع بارك الله فيكم عبارة عن جدول سويته لعيالي لأيام رمضان (إن الله أحيانا) أعمار عيالي 7 سنين بنت والولد 5 سنين والباقي صغار.. .قبل لاأقول لكم الجدول أبيكم تستفيدون من طريقتي ..أنا طريقتي في رمضان أستيقظ من نومي الساعة 11 تقريبا أتوضأ وأقول للخادمة تجهز البصل وكل شي ناوية أطبخه اليوم فقط هي تجهز وتقص الدياية(الدجاجة) والبصل وغيره وأنا أمسك ختمتي بما أنه شهر القرآن الى أن ينادى لصلاة الظهر أصلي وبعدها للمطبخ على طوووول وأطبخ كلللل فطوري والرز وكللل شي يكون فطورنا جاهز قبل أذان العصر بقليل أخلي الرز في قدر حافظ للحرارة وفوقة البصل المحمر والدجاج أو مرقة اللحم في القدر إذا كنا نبي تشريبه أسويها قبل المغرب بشوي أسخن المرق وأشرب والشوربة في حافظ الحرارة والتمر جاهز بأنواعه والأواني جاااهزة كلهم أخليهم في المطبخ حتى صينية القهوة والشاي والحلو جاهزين أما الشاي والقهوة فأخليهم قبل المغرب بشوي وأحطهم في الترمسكذلك السمبوسك والمقليات ..
خلصنا الحين من الفطور والحوسة وتجهيزه أنادي الخادمة تنظف المطبخ عقبي وأروح أكمل ختمتي الى أن أصلي العصر وبعدها أمسك بنتي وأراجع معها دروسها وواجباتها آخذ نص ساعة الى ساعة وأخليها تعتمد على نفسها وأغدي الصغار الحين أفضل علشان مايأذوني وقت إفطاري ووقت افطارنا ألهيهم بالشوكولا أو العصير والحلاو المصاص الآن تبقى لنا ساعة على الآذان أو أكثر بقليل إن كنت سأقلي بعض السمبوسة وماشابه فأدخل المطبخ علشان قبل أذان المغرب بدقايق أكون خالصة كللل شي حتى الشاي والقهوة ونجلس على السفرة ننتظر الأذان وندعي ونفطر واحنا مرتاحين أخلي التمرة والماي والشوربة في البداية وبعد صلاة المغرب نكمل فطورنا بطبق رئيسي واحد فقط لاغير ونفتح على قناة المجد للأطفال ونشاهد بوايخ(قصدي بواري) وبعد الغدا الشاي والقهوة وبعدها أبخر زوجي لصلاة التراويح وأمانة الله وهنا أتفرغ لنفسي أروح أصلي التراويح بغرفتي وبين كل ركعتين أطل على عيالي الصغار وأطمئن على الوضع وأكمل ختمتي وبرمضان ماكو طلعات فقط جمعة وسبت نفطر برا البيت ونرجع بعد التراويح على طوووول ...ان شاء الله تكونون استفدتوا من طريقتي ولاأكون قد طولت عليكم ..
الحين أعطيكم الجدول وأنا ان شاء الله بطبعه وأخلي كل واحد فيهم يلصق نجمة لنفسه أمام العمل اللي سواه وبالنهاية نحسب النجمات ويختارون المكان اللي راح يلعبون فيه بالعيد بإذن الله وملاحظة ان مافيه خاسر كل حسب طاقته وعلشان مايصير حزازات بين الاخوان وننمي فيهم روح المنافسة نمدح كل واحد فيهم ونقول لهم ان شاء الله السنة الياية نجماتكم تكمل ..
ترا مجهزة الموضوع والجدول وحالتي حالة والحين ماعرفت اشلون أحط لكم الجدول ترا هو بسيط فقط ضعي أمام خانة كل واحد من ابنائك خانة فارغة واشتري الاستيكرز اللي على نجوم حمرا وخليهم يلصقون بنفسهم نهاية اليوم على عدد الأشياء الصحيحة اللي سووها وإذا كانوا كبار شوس خليهم يحطون علامة إكس (الخطأ) في خانة الخطأ وهكذا يتعلمون يحاسبون نفسهم آخر اليوم فيصلحون أفعالهم في اليوم التالي أتمنى ان تكونون فهمتوا وستفدتوا ومابي ردود فقط أريد الدعاء بإن يغفر الله لي زلتي اللي كثيرا ماأصر عليها ..ولكم بمثل دعوتكم ان شاء الله
هؤلاء الأعضاء يشكرونك يا "أم الأولاد" على مشاركتك المفيدة:
جــــــــــــــــزاك الله خيرا والله طريقه حلوة ولكن انا ما عندي اخوانا صغار عشان
كده بيكون وقتي اكثره فاضي تسلمي انشاء الله يقبل الله اعمالنا
ووفقك الله لما يحبه ويرضاه وعفر لنا خطايانا وزلاتنا ووجعلنا ممن يعتقهم من النار
أختــــك: درة الاسلام
سامحوني أخواتي الجدول ماعرفت كيف أنزله بالموضوع لأني مسويته ببرنامج الوورد ..لكني في نهاية موضوعي وكلامي في الأعلى شرحت لكم كيف تعملين الجدول وعلموني اشلون أنزله؟؟
وطبعا الامر سوف يختلف بالتأكيد لدينا هنا إذ لامدارس في رمضان هذا العام
اقتباس:
سامحوني أخواتي الجدول ماعرفت كيف أنزله بالموضوع لأني مسويته ببرنامج الوورد ..لكني في نهاية موضوعي وكلامي في الأعلى شرحت لكم كيف تعملين الجدول وعلموني اشلون أنزله؟؟
تقدرين تحملينه بمركز تحميل ومن ثم تضعي رابط التحميل هنا
او ترفعينه من خلال الملفات المرفقة
أتفقنا معاهم بنسوي جدول في أسم كل واحد ونكتب كل الصلوات ونشوف من اللي يصليها في وقتها مع الجماعه والا لا ,, وكمان من اللي يختم القرآن ,, وبإذن الله يوم العيد نعطيهم الهديه اللي يتنوها طبعآ لأفضل واحد
هـــــــذا إتفاق ومادري عاد عنهم ,, الله يهديهم يارب
تبون تنظيم جدول لرمضان؟؟ حياكم أمهات 
العرض العادي
