السلام عليكم ورحمة الله و بركاته ....

الموضوع منقول مع بعض التعديل


هلا فيكم ياالغاليات ..

لأني أحبكم في الله قررت أنزل موضوع عن خل التفاح اللي هابين فيه تحطونه على بطونكم وصدوركم وغيره وأنا أولكم بس بعد اللي شفت لاوالله ماعاد احطه مع أنه نحفني ((وبيضني وهذا البلاء))
بس أبغى منكم الدعاء هااااه أمانه كل وحده تدخل تدعيلي ربي يهديني ويسخرلي زوجي ويصلح أبنائي وينبتهم نبات حسن طيب يرضااااه
تكفون
المهم بعد هالمقدمه حبيت أقولكم أن أختي تخلط خل التفاح مع الزنجبيل ولاحظت أنها نحفت وبيضت وكنت انا اللي معطيتها الخلطه للاسف جبتها هنا من المنتدى ولاراح أسامح نفسي على اللي سويته بأختي الله يشفيها
أستخدمته اختي ومع الوقت لاحظت بقعه بيضاء والله يابنات بيضاء طلعت فيها وراء طبعا خفنا كلنا أنا وأمي وأخواتي وهيه صارت تبكي خفنا يكون ((برص ))
ورحنا ودينها المستشفى قالت الدكتوره لها ايش مستخدمه طبعا بعد ماكشفت عليها
ردت عليها أختي مااستخدمت الا خل التفاح
عاد هنا طارت عيون الدكتوره
ايه ....خل تفاح أنتي مش عارفه أنه بيشيل صبغة الجلد؟
عاد هنا عرفنا السر ليش الخل يبيض وكل البنات مبسوطين عليه وبعضهم صار يستخدمه للأماكن الغامقه
المهم صرفت لأختي فيتامينات وعصار
والحمدلله بدأ اللون يرجع شوي وعشان كذا نزلت الموضوع بنبهكم ترى مو كل شي يستخدم
وأحنا لو ماشفنا أختي كان استمرينا
بالله قولولي اش فايدة النحف والبياض والواحد مرضان تخيلو صابكم البرص لقدر الله ترى مافيه مثل الصحة والعافية
عاد انتوا انشروا الموضوع عشان نكسب أجر والبنات المسكينات ينتبهون

وأخيرا ماأبي غير الدعاء الدعاء تدعيلي لو بقلبها تكفووون
وآسفة على الإطالة

تحياتي ....

وعليكم السلام ورحمة الله وبركاته

أعتقد بعد تجربة هالأخت لا بد من تجنب وضع الخل على الجسم ..

وباب يجيك من الريح سده واستريح !!

أشكرك أختي الحبيبة أم المساكين لتفاعلك الرائع ..

وفقك الله لكل خير .

صادقة أختي الوجد فقد إنتشر بين كثير من النساء أن خل التفاح مفيد لشد الجسم

ولكنهن يجهلن أضراره ..

مشكورة أختي الوجد ..بارك الله فيك .