 على طاري الربيع
على طاري الربيع وسيرة الريحان والنسريـن
وتاريخ الورود وكـل طـاري يلحقـه طـاري
تدلى غصنـك ومالـت عناقيـده تمـد التيـن
إلين أرغم شفاتي تستحـث البـوح باسـراري
هلابـك كثـر ماحيرتـي التفكيـر والتخميـن
هلابك كثر مـا سـج الخيـال وراح بافكـاري
تعالي وانقليني مـن سكاتـي للكـلام الزيـن
إلين اقول شيٍ أتضح بـه وانفـض اغبـاري
تعبت من الزمان اللي تشكـل خنجـر وسكيـن
شكت منه محابيل الوصـال وليلهـا السـاري
تعبت اعيش بحرٍ تجرحه كـل السفـن بالديـن
واذا حان القضا ما رجعـوا لولـي ومحـاري
تعبت اصبر وأجل فرحة أيامـي معـك بعديـن
واشوف احلى الأماني تنتهي من طول مشواري
تعالي ودي أعرف كيف قسوة هالزمـان تليـن
واضمك لين اشوف أول حنانك ياخـذ بثـاري
تعالي خلي أوصاف المحاسـن تستفـز العيـن
بعد ما مات بين اهدابهـا شوفـي ومنظـاري
تعالي دام عشبـي فـرّش الدنيـا لنـا قلبيـن
عسى تنزف غيومك من عقب ما شحت أمطاري
أحبك دام صار العمر له وحـده مـن الثنتيـن
أما اعيش بوجودك ... ولاّ آمـوت بشعـاري
| 
العرض العادي
