عبدالله اسمع دام زهرة شبابك = غضه ولا فاتك من الخير تحصيل
احفظ لنفسك دينها وتهنابك = لاتنجرف مع ضحكة الوقت وتميل
صلاتك احفظ وقتها في ذهابك = وبرجعتك من كل درب ومجاهيل
حافظ عليها مثل حفظك شرابك = وابشر بخير الله يجيلك كما السيل
واكسب حلال ولاتكامل نصابك = زكه تعيش ايام عمرك تساهيل
وصومك لشهر الخير مهما انتهابك = حافظ عليه ويحفظك خالق الليل
وإن كان حجك تستطيعه اركابك = حث الخطى لا تنخدع بالتماهيل
الموت ماياقف حيا لاخلابك = أو ينتظر تنهي بقايا التعاليل
يداهمك في لحظته ما عبابك = لو كنت في برج(ن) مشّيد ورى النيل
ووصيك بمك كان تبغى ثوابك = يزيد فحفظ برها دون تمليل
والرحم وصله حط له في حسابك = خانه كبيره وادعمه بالمواصيل
وخلك صدوق وصادق(ن) في جوابك = في كل مجلس وانتبه للأقاويل
الكذب لو فوق السحابه رقابك = وزخرفت به نفسك حرام وتهاويل
بالاخرة تشوف عينك عذابك = من سبته وتذوق هم وغرابيل
وإن كان تبغى ارجال وقتك تهابك = هبهم وعطهم حقهم بالمكاييل
ومن بعدها لا تستهين بكتابك = ذاكر دروسك يافتى الجود بالحيل
العلم يحفظ قيمتك في غيابك = والجهل يطفي في حياتك قناديل
واقفل عن التبذير بالعز بابك = حتى ولو قالوا لك العالم ابخيل
اقل مافيها لحضرة جنابك = غناة نفسك عن رخوم الرجاجيل
إن قل مالك كل خبل(ن) هزابك = لو كان طيبك في عيون المشاكيل
وإن زاد مالك بالمعزه سعى بك =بين الرجال العاقله والمهابيل
محد(ن) بدنيانا الحقيره درابك = إن كان ماعزيت نفسك بهالجيل
واحذر أمورك عند فكرك تشابك = لاشفت من دنياك بعض البهاذيل
اصبر وتلقى للفرج باحتسابك = للأجر مخرج من جميع المحابيل
هذي حقائق حطها في صوابك = مادام عقلك يعرف العدل والميل
لاتنجرف مع ضحكة الوقت وتميل!!!؟ 
العرض العادي
