اقتباس:
الحركة الاولى
كنتي تتكلمين مع وحدة من ربعك وتسولفين بانسجام لكن خويتك كل شوي تطلع جوالها وتطقطق فيه ولا كأنك هامتها واذا نبهتيها تقول لك أنا معاك يالله كملي ..!
وش تصرفك وقتها ؟؟
| إذا فعلاً منتبة لي وأنا أكلمهافالوضع عادي
وإذا ماتنتبه والا انشغلت فيه بزياده
باخذ الجوال منها لحد ما أخلص سالفتي ثم بعطيها اياه
والا بقولها ترا ماأحب هالطريقه غيريها والا سكت وماراح أكمل السالفه
اقتباس:
برضو جالسة تسولفين مع وحدة من ربعك وكل ما قلتي أي كلمة قاطعتك فيها حتى تصير سالفتك مالها طعم
وش بتسوين معاها ؟؟
| بسكت وماراح أكمل السالفه لو وش يصير
وبقولهم اني ماأحب أحد يقاطعني
اقتباس:
وحدة من صديقاتك كانت مقربة إليك ألتقيتي فيها بعزيمة مثلاً وجلستي معاها قجأة دخلت عليكم وحدة وجلست معاكم وخويتك أسحبت عليك وراحت معاها وتركتك لوحدك
أنتي بتنقهرين وتنرفزين وبتصبرين .. لما أنصرفت الدخيله مثل ما يقولون رجعت لك صديقتك .. كيف بتستقبلينها ؟؟
| ليش أنقهر وأتنرفز
عاااااااااااادي هي ماسوت هالحركه الا لأنها تمون علي وعارفه اني ماراح أتضايق
ويمكن فيه سبب مقنع خلها تسوي كذا أو فيها سالفه تبيها منها
ويمكن اروح أقط معها في السالفه
اقتباس:
وحدة من صديقاتك ( لاحظوا أن كلامنا كله عن الصديقات لأنها أكثر وحدة تتأثرين من أي حركة تسويها ) تخطي عليك بكلمه أو بحركة مالها داعي قدام خلق الله وإذا نبهتيها قالت ببراءة: ما سويت شي ( مع أنها في قرارة نفسها معترفة بالخطأ )
وش بتقولين لها .. ؟؟
| وش دراني انها بقرارة نفسها معترفة بالخطأ
بس بقولها هو مو خطأ عندك بس عندي خطأ وأنا ماأحب هالشي فرجاءً لاتعامليني بهالطريقه
اقتباس:
مثلاً كنبي بكلية أو مدرسة وفيه وحدة تعتبرينها صديقتك لكنها للأسف ما تستاهل
أنتي تحسنين لها وتخدمينها بأي شي إذا طلبت منك محاضرات تكتبينها لها من طيب قلب موب عشان شي وفجأة ما تدرين إلا وهي تتكلم فيك من وراك
وتشوهـ سمعتك قدام الناس وبكلام أحياناً يكون موجود فيك وأحياناً لا . هنا أكيد بيحصل منك ردة فعل ..! وشي ؟؟
| قد صار لي هالموقف
وأنا سمعتها وهي تتكلم عني بالطابور تفكرني غايبه وسمعت كل
استغربت من كلامها وسكت ولما جات الفسه وجلسنا وجمعت البنات اللي تكلمت عندهم
قلت لها اني سمعتك تقولين كذا وكذا وكلها كذب ماصار وإن كان صدق جيبي الدليل وإن كان أحد ناقله لك فلاتصدقين أحد الا لما تسمعين بإذنك
طبعاً هي انحرجت وماعرفت تتكلم وظلت كذا يوم وهي ساكته
بس بعد اسبوع ماكأن شي صار
والحين ماتتكلم عني الا بكل خير ومانستني لي عنها فوق الخمس سنين ومازلت تسأل عني وتوصل السلام مع صديقاتي
الأفضل أي كلام يجيك تواجهين اللي طلعه
اقتباس:
صديقتك وأحياناً مقربه إليك إذا أخطيتي بحقها أو جرحتيها بغض النظر أنك أعتذرتي منها أو لا ..لكن هي تكون ردة فعلها قوية وتعاتبك كثير وتسوي سالفة وتذكرك بذنبك كل ما اخطأتي .. لكن إذا أخطت عليك بطيبيعة الحال بتتعاملين معاها بنفس طريقتها لكنك تنرفزين إذا قالت : لك أنتي أصلاً مكبره السالفة ولا أنتي حساسة بزود يعني كأنها تحتقر غلطتها
وش بتسوين بصراحة؟؟
| الانسان دائما يشوف خطأ غيره ومايشوف خطأه
ويمكن فعلاً أنا كبرت المسأله وهي ماتستاهل
__________________
أستودعكم الله الذي لاتضيع ودائعه,,
سامحوني إن أخطأت في حقكم,,
ولاتنسوني من صالح دعائكم,,
أحبـــــــــــــــــــكن في الله,, | 
العرض العادي
