فكرة طيبة .. بوركت عليها
,,,’’’,,,
بالنسبة لي .. أعظم إنجاز في حياتي .. هو برنامج شاركت فيه عندما كنت في المرحلة الثانوية ..
إسم البرنامج .. برنامج المشاركة في نظافة المسجد الحرام ..
وكان هدف البرنامج أن يغرس مفهوم الاهتمام بالمسجد الحرام في نفوس الطلاب وزوار بيت الله الحرام عندما يرون هذا المشهد ..
حيث كانت الفئة المستهدفه هي الطلاب ..
وقد شاركت في نظافة المسجد الحرام بغسل الصحن المحيط بالكعبة المشرفة .. وتنظيف دواليب المصاحف بالمنظفات .. وكنس سجادات الحرم وتنظيفها .. ومسح النجفات والثريات المعلقة على سقف بناء الحرم الداخلي ..
وعند انتهاء البرنامج .. قام مدير التعليم بالعاصمة المقدسة عليوي القرشي - رحمه الله - بتسليمنا شهادة شكر وأنا أعتبرها شهادة تشريف أعلقها وساما على صدري ..
فأصبحت مشاركتي هذه أعظم إنجاز في حياتي .. بأن أشارك في نظافة بيت الله العتيق ..
واحده من استاذات المواد العامة جعلت درجة المشاركة متعلقة بنشاط من المجموعه كلها وطلبتنا نسوي مجلة
المجلة هذي غير متخصصة في شي معين نكتب فيها عن أي موضوع ويكون لها نفس ترتيب المجلات .. التحقيق الي هو موضوع العدد والمقالات وان كان فيه قصص او موضوعات اخرى الخ
ولما سالت من تكون مسئولة عن المجموعه والمتحدث الرسمي .. انا رفعت يدي من لقافتي الزايده ( الصراحه كنت احس الندم احيانا من الغلب اللي شفته لكن قلت تجربه وبدخلها واللي يصير يصير )
وبدا الاعداد لمجلة مالها وجود مطلوب تواجدها كاملا بعد شهر فقط
طبعا دورت في المجلات وجمعت ابواب لمجلتي ووزعت المهمات عالبنات وحددت وقت لتسليم الموضوعات ومن بينها التحقيق اللي كان عن نظافة الحرم الجامعي وكنت انا مشاركة فيه
كتبت مقدمة للتحقيق وجبت اراء من مسئولين في الجامعه لكن كان اصعب شي اني سويت استبيان ( مره مصدقه نفسي ) يعني على اساس اسوي رسم بياني له بعدين
وفعلا كتبت 5 اسئله فيه وطبعته وصورت 200 نسخه .. وزعتها على استاذاتي ورجعت الاوراق بعد اسبوع تقريبا وفيها اجابات الطالبات وجا وقت القص والفرز والحوسة
طول ذا الوقت وانا رايحه جاية على مطبعة عشان يصممون المجلة + مفقعه عيوني في النت ادور صور تناسب كل موضوع واحلى شي لما كنت ادور صورة زباله اكرمكم الله
ماني لاقيه زبايل واللي الاقيها تكون مو حلوه تنحط في مجله .. يعني كنت تكة واصور الزباله اللي جمب بيتنا واحطها
وربي ابتلاني في المطبعه بواحد يرفع الضغط لاني في كل مره اجي الاقي شغله محتاج لتعديل
رتبت المجله اخر شي وصنفت كل موضوع مع صوره وارسلتها للمصمم وسواها بعد الجهد والعناء بشكل مرتب وكانت خيبة املي كبيره لما عرفت انه ما ينفع تكون على ورق لامع لان المطبعه ما تشتغل مكينتها الا على الاقل على الف نسخه
لكن بالاخير تم بحمد لله وجا موعد تسليم المجله من الافندي المصمم وفعلا رحت اخذتها واعطيته حسابه
وانا اتفرج بالمجلة في السياره كانت الصدمة
لقيت ان الرسم البياني اللي مسويه الاخ من دون حساب نسب يعني راسم لي دواير ومقسمها 3 اقسام متساويه .. على ايه متعب نفسه بس ؟؟ ما ادري
ورجعت له علطول وطلبته يضبطها كيف ما كان واخذها وضبطها بعد ما فك التدبيس وخرب منظر المجلة شويه
واخيرا سلمناها للاستاذه .. ومع حرق الاعصاب ورفع الضغط اللي عانيته
الا انها كانت تجربه مره حلوه وتعلمت منها كثييييير
لنر ماذا أنجزت ؟؟؟؟ 
العرض العادي
