كتبت هذه القصيده على لسان فلسطين الجريحه
فارجو أن تنال استحسانكم وتخفف من حرقة الألم
يا عــرب مليــت من كثـــر الكلام= انقـــذونـــي مـن يديــــن الغاصبيـن
كـــل يــوم يمـوت من فعـل اللئام= طفــــل قاصـــر وينكـــم يا مسلميـن
وينكــــم ومحمـــد الـــدره يضـام= بالرصاص اللي رمـــوه الحاقديــــن
وينكــــم يوم أحتمى قبل السهــام = تتجـــه لــه مــن يديــن الخـاينيــــن
وينكـــم عن شيخ طاعــن ما ينام= يتألـــم مـــن عـــــــــذاب المجرمين
وينكم عــن أرمله تشكــي السقام= والشباب اللي على ارضي صامديــــن
وينكم عن من غدى وسط الظـلام= بالمعاقـــل بيـــن حســرات وحنيــن
وينكم يا حفـــاد مــن نـال الوسام= بالمعـــارك يـــــــوم حطيـــن الثمين
وينكــم وين البطــــولات العظــام= مثـــل مــا كانـــت بعهـــد الاوليــــن
وينكـــم ذي حـزت الحــر القطــام= ينقــــذ اللــي داخلي لجلــي سجيــن
وينكــم عن خطتـن ضمـن النظـام= ادرجـــوهــــا ضـــد. أولــى القبلتين
قالــــوا الهيكـــل لزوم أنه يقـــام= فــوق موقــع قدسكـــــم يالمسلميـن
وامنحــوا تنفيــــذها كـل أهتمــام= لين صــارت هـــي طمـوح الكافريـن
لا تظنــوا ما حــدث بــرد وسـلام = حيثكم بالبعد عني عائشين
ولا تظنــوا كيــــدهم لحظـــه ينــام= أو ضمائـــرهـــم يصّحيهـــــا الأنين
أو تظنــــوا حقــدهم يصبح عـدام= دام ما انتــــــم ضدهـــم متكاتفيـــن
أو يجي من صوبهــم نوع احترام= للنبــي واللــي معـــــه والتابعيــــن
انقـــــذوني لا تخلـــوني حُطــــام= خلـــــوا الاطفــــــال فيـنــي آمنـيــن
ما يفيـــــد اليـوم ترديــد الســلام= فعلكــــــم خلـــــــوه بالقــــوه يبيــن
وابشـــروا بالنصر لأشتـد الزحـام= بـــــأذن مـــولانــا الــــه العالميـــن
دام رايتكــــم على رأس السنــــام= بيـــــن رايــــات الأمــــم والأمتيــن
رايـــة التوحيــــد والعـــز المـرام= للجهـــاد المنتظـــر بيــــن الايـديـن
ارفعـــوها عاليــــه بيـــن الانـــام= مثـــل ما كانــــت بعهـــد الفاتحيــن
وانزعوا عن فوهة الحرب اللثــام= واعلنـــــوها فـي وجيـــه الطامعيـن
جاهـدوا بالحـق لا تخشـون ســام= جاهــدوا والحـــق معكم مـن سنيـن
ما يفيــــد بمثلهــــم غير الحسـام= والقنابـــــــل والمدافـــــع والكميــن
مع صواريخــن تهــد اعلى مقــام= ارض جــو ومـن شمــال ومن يمين
ليـن يهـدا الوضــع فيني والمنــام= ويتحـــرر مسجــد القـــدس الحزين
يا الـــه الكـــــون والبيـت الحـرام= يــا عــزيــز ويـا كريـــم ويا معيــن
انصـــر أهل الديـن لا ثار العســام= بيننا مع قائد الكفر اللعيــن
ياعرب مليت من كثر الكلام!!؟ 
العرض العادي
