قرنديزر

بسم الله الرحمن الرحيم

نقلت لكم هذه من قروب (( أبو نواف ))
وهي واقعه حدثت لأحد الشباب عندما أراد أن يستلم ملفه من الجامعه وهو ينقل اللينا معناته وماحدث له وأأسف لأن حديثه كان بالعاميه فأتمنى من الأخوان العرب أن يعذروني


موضوعي اليوم يتكلم عن ( إخلاء الطرف ) في جامعة الملك سعود بالرياض
وبما اني احد الطلاب الخريجين من الجامعة .. كان لابد من انهاء اجراءات إخلاء الطرف من الجامعة ..
في البداية .. وقبل الخوض في معمعة الاجراءات المملـّـة .. اقول :
لو لم يكن في جامعة الملك سعود من السلبيات سوى هذه الاجراءات القاتلة .. لكان كافيا لتبرير حصول الجامعة على مركز متأخر جدا ً في سلم الترتيب لأفضلية الجامعات ...!!

القصة تبدأ من إعلان الجامعة لتاريخ انهاء اجراءات اخلاء الطرف .. فلكل رقم جامعي تاريخ معين ..
اول شي خلوني اتكلم بالعامية .. عشان اطلع الحررررررة مضبوط
رحت انا ومجموعة من الشباب للجامعة .. واتفقنا نلتقي في كليتنا " العلوم الادارية " عشان ناخذ نموذج اخلاء الطرف في البداية من الكلية ..
اخذنا النموذج .. عبينا البيانات ,, وفي البداية لازم ترقى فوق لمكتب شؤون الطلاب ..
تخلي الموظف يناظر عيونك الحلوة اللي ببطاقة الجامعة .. ويوقع لك النموذج
رقينا لمكتب شؤون الطلاب ,, وكان الوقت بدري .. الساعه 8 الصبح تقريبا ..

رقينا !!! واثره سرا طويل عريض يصل طوله الى نصف طول خشم واحد من الشباب .. سرا مد النظر ...!!! اللي يبي يسجل مواد صيفي .. واللي يبي ياخذ نموذج واللي يبي يتأكد من شعبة .. حوووووسة مالها أول ولا آخر !!
طبعا اجراءات اضافة مواد الترم الصيفي والحذف وتغيير الشعبة ... الخ هذي لحالها قصة ثااانية ,, يعني مو معقووول أبد يكون للجميع سرا واحد !!
المفترض اللي عنده نموذج اخلاء طرف ويبي توقيع من الموظف الظريف .. لهم سرا ,, واللي يبي يضيف مواد ويحذف ويغير .. لهم سرا
مو يجلس لي موظف واحد يمسك سرا .. والثانين عصير ربيع ومسلوق !!

المهم دخل واحد من الشباب للمكتب .. كلم الموظف قاله نبي بس نوقع النموذج ,, حنا عندنا اخلاء طرف .. قال اللي عنده اخلاء طرف يجي هنا ,, لا يمسك سرا ,, نوقع له
طيب دااااامه يجي هنا .. وراااااه ما قلتوا اللي عنده اخلاء طرف لهم سرا خاص ..!!

دخلنا ووقعنا .. وطلعنا , لقيت بعض الشباب اللي عندهم اخلاء طرف ماسكين سرااا .. قلت وش عندك واقف .. رح رح ادخل خله يوقع لك .. النظام عندهم سكااااتي ,, ما يقولون لأحد ان اللي يبي اخلاء طرف يدخل على طول ويوقع ..
طلعنا من الكلية .. ووقع لنا الموظف النموذج ..
بعد الكلية .. جاء دور مكتبة الجامعة ( مكتبة الأمير سلمان )
ونروووح رجلية من الكلية للمكتبة .. مسافة 12 دقيقة تقريبا ( يمديكم على الدقه )
وصلنا المكتبة .. سرا بس اقصر من خشم الرجال ... المهم يوم جاء الدور , ويطقطق بالجهاز عشان يشوف انت لك كتاب سبق استعرته ولا رجعته .!! يتوطون ببطنك .. والا عليك شي والا شي .. حريصين الله يجزاهم خير
ويوقع لنا الورقة .. ونطلع من المكتبة ونروح للبهو " حرم الجامعة "

في البداية رحنا صندوق الطلاب .. مكتب الاعانات والسـلف
موظفين اثنين .. زولة يحبهم قلب قلبك , مادري وراه هالمكتب بالذااات مافيه سعوديين !! من بد كل المكاتب .. هالمكتب سودانيين ؟؟!!

قعد يطقطق على الجهاز .. يشوف انت عليك مبالغ قد اخذتها من الجامعة او تسلفتها .. او شي منا والا مناك , عشان يرجعون حقوقهم .. (( الحين كل شهر ياخذون من كل طالب عشرة ريال .. يقولون لصندوق الطلاب )) ولا شفنااااا شي من هالصندوق !! لا مواقف زي الناس .. ولا مساعدة في تصوير المذكرات .. ولاااااااا شي ابد !! ماغير ايداع بهالحساب .. واذا تجرأت ذاك اليوم ورحت تتسلف منهم ( طبعا ً شف السرقة .. تعطيهم كل شهر عشرة .. وتروح تقول طفران ودي اتسلف .. يقولون لك وقع هنا تعهد انك ترجعها في مدة اقصاها كذا وكذا ) يعني يعطيك قروشك ويقولك رجعهاااااا !!

* يمكن البعض يقول ياخي احمد ربك انك تاخذ مكافأة .. اغلب الدول , الجامعات ماتعطي مكافآت ,, انا مالي علاقة بأغلب الدول .. انا مادام اني آخذ مكافأة فهذا حق من حقوقي .. لابد يصرف في الوقت المستحق .. وكــــــاملا ً ...!!!
المشكلة اذا جيت تاخذ تعريف بالمكافأة .. يكتبون ان هالطالب يستلم مكافأة وقدرها 1000 ريال ,, والا 850 ريال .. المهم لا ياخذنا موضوع هالعشرة ريال , بس اقولكم آخر شي يخص العشرة : اذا الجامعة فيها خمسين ألف طالب , وشهريا ً ياخذون منهم عشرة ريال .. هذي نص مليون تودع في حساب صندوق الطلاب .. ورئصني يا قدع

نرجع لموضوعنا .. عقب ماوقع لنا الزول حق السلف والاعانات ... وانه ماعلينا اي مبالغ ..
الحين جاء دور " السكن الجامعي " سألنا : ساكنين بالسكن الجامعي ..؟
قلنا لا .. ويطقطق بالجهاز ,, ويوقع لنا .. اننا ماسكنا في السكن الجامعي

عقب السلف والاعانات والسكن الجامعي
رحنا لإدارة الأمن والسلامة .. والله كنك توصف حارة بالشميسي !! لا لوحات ارشادية ولا شي .. الأسياب أقسم بالله العظيم انك تمشي فيها وتتشهد .. الارضية مادري وش هي بالضبط ,, مهيب حجر ولا اسمنت ولا صبة ولا رخام ولا سيراميك ولا بلاط ..
شكلها اسفنج مقوّى .. !!!!!!!

رحنا للأمن والسلامة .. عطيناه الأوراق .. ماشاف الجهاز ولا ناظر البطاقات ولا شي .. على طول وقع على الورقة ,, يعني انت اللي جيت والا مهوب انت .. مايهمه ,, يوقع وبس
اخذنا الورقة .. ومن ادارة الأمن والسلامة , الى عمادة القبول والتسجيل ( مكتب المكافآت والبطاقات الجامعية )
رحنا وعطيناه الأوراق .. ويطقطق بالجهاز .. ويوقع لك ,, ويسحب بطاقتك الجامعية ... بعدين رحنا لمكتب المكافآت .. ونفس الشي ,, يطقطق ويناظر .. ويوقع لك ..
الآن جاء الدور على تسليم الملفات .. هنا أم الكوارث !!!
الاجراءات السابقة .. رغم انها طويلة .. بس انهيناها بسرعة ,, وكناااا مبسوووطين ان الأمور عدت على خير
نزلنا تحت لمكتب تسليم الملفات .. اللي فيها شهادة الثانوي يوم تجي وتسجل بالجامعة ...
والله ثم والله يا جماعة الخـير .. لو يجي احد للمكان ذاك ,, مستحيل مستحيييييييل يتخيل انه في جامعة !!
جدار اسمنتي .. اسلاك كهربااائية في كل مكان ... فـــوضى مابعدها فــوضي ..

عاااااالم من الطلاب .. تبي تاخذ ملفاتها ... وصلنا لمنطقة الزززحمة
سألنا .. هنا تسليم الملفات , قالوا ايه .. بس الموظفين ماداموا .......!!!!!!!!!!!!!!!!
الساعه كانت 9 وشوي .. الصبح !! ويقولي ماداوموا ؟؟؟
وفي النهاية درينا ان الموظفين المسؤولين عن تسليم الملفات .. رايحين يراقبون في اختبار القدرات ( القياس ) في احدى الكليات ....!!! ومسكرين المكتب ورااااايحين ...!!

مشينا .. نحاول ندور موظف نستفسر منه .. متى يجون الموظفين .. متى نقدر ناخذ الملفات .. وصلنا لأحد المكاتب .. لقينا فيه موظف .. واستبشرنا خير
دخل عليه واحد من الزملاء ... سلام عليكم .. عليكم السلام
اخوي عندي استفسار الله لا يهينك
الموظف : ما أقدر افيدك ..!!!!!!!!!!!!!
اقسم بالله انه رد بالطريقة هذي .. حتى قبل لا يسمع الاستفسار .....!!

تناقلوا بعض الشباب اخبار .. ان الموظفين بيداومون على الساعه 11 ,, طبعا ً جامعة ابوهم .. يداومون متى مايبون ,, كأن الجامعة مافيها اي احد يقدر يراقب في اختبار القياس ...!!
طلعنا من الجامعة .. ورحنا افطرنا .. وودينا واحد من الشباب للمطار كانت عنده رحلة في نفس اليوم ..
رجعنا للجامعة .. سلمنا الأوراق ,, وقالوا تسليم الملفات على الساعه 1 الظهر ..!!
وصلنا عندهم في الوقت المحدد .. وبدأ التسليم العشوووواااائي ..

ينادي الموظف على اسم الطالب .. وهو يجلس في وسطهم .. والاعداد كثيــــفة جدا ً .. ويصرخ الطااالب : حااااااااااااااااااااااضر .. وتتلقف الايادي الملف .. حتى يصل الى يد الطالب المبحوح .. من قوة الصرخة بـ حاااااااااااااااضر
عــادي جدا ً ان يقول اي طالب حاضر .. وحتى لو لم يكن هو صاحب الملف ,, ويستلم ملف غيره .. !!!!
طريقة تسليم الملفات غريبة جدا ً وعشواااائية الى أبعد حــــــد ...!!
ولا يوجد ما يثبت ان الطالب استلم الملف .. فلا يوجد توقيع للطالب او اقرار .. او اي شي ,, فقط كلمة حاااااااضر على بعد امتاااااار عن الموظف ... ثم ينتقل الملف من بين الايادي حتى يصل للطالب ..!!!!!

انتهينا من استلام الملفات .. على الساعه 2 تقريبا ..
وانهينا اجراءات اخلاء الطرف القاااااااتلة ..!!!
كاااااان يوم طــويل .. طوويل جدا ً .... هالمرة اطول من خشم الرجال

يستفاد مما سبق :

* الجامعة كخة
* وراه مايصير فيه نظام شبكة بالجامعة ؟ تروح للكلية .. تعبي النموذج .. تعطيه الموظف , يدخل رقمك الجامعي .. ويشوف هل عليك شي في السكن الجامعي او المكتبة او المكافآت او السلف والاعانات .... الخ
يوقع الورقة ويختمها .. وخلصنااااااااا .....!!!

متى نصل الى هذي المرونة في التعامل ؟؟؟
ويقولون حكومة الكترونية .. اقول وهـ بس




.

__________________
_ _ _ _ _ _ _ _ _

كل تجربه تزيد الأنسان علماً وخبره ..

وكل صدمه تعين الأنسان على التغيير...

وكل فكره تقدم الأنسان للعمل ...

حواء

الله يهدي كاتبنا بس..ليش التسرع

هذا كله عشان نحس بجمال بقية المرافق في الجامعة..فلنحسن الظن ياناس

اقتباس:

انتهينا من استلام الملفات .. على الساعه 2 تقريبا .. وانهينا اجراءات اخلاء الطرف القاااااااتلة ..!!! كاااااان يوم طــويل .. طوويل جدا ً .... هالمرة اطول من خشم الرجال

هذا عشان يشعر بفرحة أعمق عند استلام وثيقة التخرج

وكذلك حتى يتعود على الأيام القاحلة المقبلة عليه..فلنحسن الظن..

ولا يفوتكم ان جامعة الملك سعود أكبر جامعة هنا..وهذه حقيقة لا بد

أن تقتنع بها بدون تدقيق

بارك الله في الكاتب و الناقل

__________________
مــا أحلــــى أوقــات الدراســــة !

::

متى تتعدل أنظمتنا التعليمية؟!!
::

رغم الظلمة، نرى النــــور يلــوح ..!

الكثيريasmse

أبو فهد
السلام عليكم ورحمة الله وبركاته

ذكرتني بذكرى قدمي تورمت منها في جامعة الإمام محمد بن سعود بالرياض
مبنى الإدارة بعيد ثم مبنى المكتبة المركزية ثم السكن الجامعي ثم الكلية تموت فرحة التخرج بعد هذا المشوار
حتى( استكر ) السيارة بعد ما تقف تسترد أنفاسك في مبنى الأمن والصيانة يقولك بابتسامة ( رح اقشع الاستيكر اللي بموترك وتعالي ياحبيبي ) تنفجر باكياً من شدة التعب لكن هذه البيروقراطية المقيته

قيدني يا أمل

عين الحياة

أمعقول هذا
ما أقرؤه هنا في المملكة ..
وماذا عن جنوب شرق آسيا وأدغال أفريقيا .. ولن أقول شمال إفريقيا ..
أخشى ان يكون الكلام مبالغاً فيه ..
لكن أنتم بالتأكيد أعلم..

وهذا المتبع في المرور والجوازات والخارجية والصحة وكثير من القطاعات ..
وأتعجب ان تخلو الجامعة منه بديهة كتلك..

بس
ايه العلاقة بين السرا وخشم الرجال:d
تعبتم الرجال معكم ..

__________________


السلاسل العلمية ومحاضرات الشيخ الدكتور سلمان بن فهد العودة


سيرة الشيخ سلمان بن فهد العودة يكتبها في سلسلة

سهير أحمد

كنت اظن جامعة سعود افضل من ذلك وكنت انظر لها نظرة اخرى
شكرا لك الحكيم قرنديزر حطمت النظرة من اساسها


لا اذكر مثل هذا عندما ذهبت لاخلاء طرفي من جامعتي العريقة " عين شمس"
على فكرة انا اعتز جدا بجامعتي خصوصا وهي من الجماعات القليلة المعترف بها داخليا وخارجيا
يعني هناك جامعات في انحاء مصر مثل جامعة بنها وجامعة المنوفية وجامعة قناة السويس وغيرها كثير تعتبر من الجامعات الفشوش يعني مثل قلتها بل قلتها احسن !!

امزح فقط مع خريجي هذه الجامعات من ابناء بلدي
وفق الله الجميع
والمهم هو التخرج من الجامعة ووضع القدم على اول طريق الكسل والخمول

كل التقدير لكم

__________________
الحمد لله رب العالمين ..
حمدا دائما كثيرا طيبا مباركا فيه ..
وكما ينبغي لجلال وجهك وعظيم سلطانك ..
وكما تحب ربنا وترضى ..
وبعد الرضا ودائما وابدا ..

ريوف

و عليكم السلام ورحمة الله وبركاته

اقتباس:

نقلت لكم هذه من قروب (( أبو نواف ))

بصــــراحه هذا القروب واايد مواضيعه حلوه فقدته لما توقف ....

*****

الله يــــهداك ياقرنديزر ..جان سترت علينا ..شنو نستفيد

يعني راح يتعدل الوضع ...لا والله لو نتكلم يوميا ...

المشكله لي اقارب في الجامعه ...

اللي يدرس واللي يشتغل

لما يحكو له عن هاي الفوضى ..

ينكر ومستحيل يثبت انه يوجد هذا الفوضى

مع ان الكل يحكي عن التعفس االلي يصير

لازم تصوير يعني

اقتباس:

يستفاد مما سبق : * الجامعة كخة

يعني هذي دعوه للانسحاب قبل التورط .....

عيل نبي نقعد هاي السنه في البيت لما يتعدل الوضع

قــــــــــــــرنديزر ...
بارك الله لك
ريوف بنت محمد

__________________
ربي اغفر لي

حواء

مقصف ؟!! جرس؟!مراقبة؟! يالهوووووووووي

طيب 3000 الآف طالبة مو المفروض يهيؤن لهن المكان المناسب على الأقل نقول لها كلية يعني

تصدقين حنا 5000 طالبة بس بخمس مباني كبيرة و عتيقة طول ما الوحدة تمشي ايدها على قلبها

و إذا صار فيه حفلة لبعض الناس خرجت الاموال!!

تخيلي مرة خصموا من مكافآتنا 100 يعني احسبيها 100× 5000

المهم عشان بيسوون حفل مثل قلته و بيحضرونه ناس حلوين

بالنسبة للزي ..فهذا طبيعي ..فهم يهتمون بالشكليات و على بالهم مهتمين بالتنظيم!!

أنا من جد مجننتني سالفة هالزي هذي!!يعني خلاص أهم شي يكون الزي شرعي و ساتر

ليش الاهتمام باللون و كأننا بمدرسة يالله لك الحمد و الشكر!!المفروض يهتموا بمراكز تصوير المذكرات

اللي عمرها ما كانت في خدمة الطالبة..بس ما عندك أحد...

بس احمدي ربك ان ما عندنا بهذلة الاخلاء اللي عند سعود

دنيا العجائب والله

،،،،،

ريوف ادخلي وين تبي تروحين يعني؟!

ادخلي و عليك بزاد الصبر و أهم شي الراحة النفسية ترا

؛؛؛؛

استاذ عين الحياة و مذر سهير

من حقكم تتعجبون فأنا أعرف شيئاً يسيراً عن نظام جامعات مصر

و ياعيني على التنظيم ماشاءالله ..

أستاذ قرنديزر والله عذراً على المشاركة للمرة الثانية

وفقكم الله جميعاً

__________________
مــا أحلــــى أوقــات الدراســــة !

::

متى تتعدل أنظمتنا التعليمية؟!!
::

رغم الظلمة، نرى النــــور يلــوح ..!

المعتدل

قرنديزر

هو فعلا كان متسرع ولم يفهم ماكان المقصود .... لكن كيف جبتيها وهي طايره ؟؟

جامعة سعود هي فعلا الأكبر حجما والأقل أمكانيا .... والحقيقه أن تقنية جامعة الامام والبترول والملك عبدالعزيز وفيصل وأخوانهم وعيال عمهم أفـــضل بكثير من جامعة سعود


الأمر الأخر

أخر مره أشوفك مشاركاتك هنا ..... فاهمين ؟؟

__________________
_ _ _ _ _ _ _ _ _

كل تجربه تزيد الأنسان علماً وخبره ..

وكل صدمه تعين الأنسان على التغيير...

وكل فكره تقدم الأنسان للعمل ...