شوقي يقولُ ومادرى بمصيبتي!! (ممنوع دخول المعلمات)!
شوقي يقول وما درى بمصيبتي= قم للمعلم وفه التبجيلَ !
غالياتي ..الموضوع في قمة السهولة..لكنه يحتاج منكن قليلا من المرونة (الحديث موجه للمعلمات)
المعلمة لها فضلها وقدرها -ولايختلف على ذلك عاقلان- لكنها تخطئ وتصيب.. أليس كذلك!
لذلك كان من المفترض أن نذكر بعض الخوارم التي تخرم قدر مهنتها الشريفة..
فنحن غدا سنصبح معلمات -أكثرنا- وأنا خاصة سأصبح..(معلمة أحياء).. إن شاء الله ..
يعني ..بدون زعل..
التربية تحتاج منا الكثير كمعلمات مستقبلا.. ومن الأمور التربوية تبيين الأخطاء الجلية لبعض الأشخاص ..
بدون ذكر أسماء.. حتى لا يقع فيها الآخرون..
بدوووووون ذكر الأسماء..
وسأبدأ بعرض الأخطاء التربوية قصصيا كما حدثت ..على سجيتها بدون تنسيق للكلمات..
وأنتن من ستكملن الكثير من الأخطاء وذلك من خلال ما شاهدتنه عيانا أو استمعتن إلية من ثقة صدوق.. (ماعندها وقت!!)
دخلت أستاذة العلوم وهي معصبة ..أقصد هي دايم معصبة .. وأستاذتنا هذي تتميز عن غيرها بأن عليها (كفوف ) ماهي بصاحية..
المهم إنها سألتني : هاجسية أخذنا درس الشمس والقمر؟!
قلت لها وأنا خايفة (ايوه)
وراحت تفتش الواجب على اللي ورى ..وفي بنت ورى دايم ماتحل الواجب..وفي ذلك اليوم كانت حالته (سبحان الله)
يوم شافت الإستاذة واجبها قالت لها..
ياقليلة الأدب !! توريني واجب الدرس اللي قبله! (وعطيها من ذا الكفوف)
وشافت واجب اللي قبلها والا نفس الشي.. واستلمت البنات (كفوف )
حتى وصلت عند وحدة من الممتازات ..
قالت لها فلانة حنا أخذنا درس الشمس والقمر؟!!
قالت البنت وهي خايفة :لايا أستاذة ما أخذناه..
استحت الإستاذة وطاح وجهها ..أول مرة تضرب البنات بغير سبب مقنع أو نص مقنع..
وتأسفت من البنات.. وما شرحت الدرس من الفشيلة..
ويوم راحت تأسفت أنا للبنات لأني من الخووووووووووووووف نسيت اسم الدرس..
والبنات قالوا لي عادي ياهاجسية صارت عندنا مناعة من الضرب (يابعدي والله لو بكيفي ماتصيبهن الشوكة)
مين المسؤولة عن انعدام الأمان اللي نتكلم عنه دائما ونعده من النعم الجليلة؟!!
حسنا ولماذا لم توبخني؟!!
لسبب وجيه لأنها تحبني (يعني الموضوع أصعب مما نتوقع)!! الطريقة # الناتج..
الطريقة لاتساوي الناتج أبدا.. في مادة الرياضيات..لاجت آخر السنة أقعد أبكي على أهلي ..وأقول لهم ياناس الطريقة جوابها مو نفس الناتج!!
يقومون أهلي (الله يجزاهم الجنة) ويسوون لي طريقة تساوي الناتج..
المهم غيروا لي طرق الكتاااااااااااااب بأكمله ..ونجحت بامتياز ولله الحمد
لكن البنات رسبوا!!ما أدري ليش!!
مومهم تعرفون ليش رسبوا..لأنكن ستنسبنه إلى الإهمال!!
المهم تعرفون ليش الطريقة ماتساوي الناتج..
بكل بساطة ..لأن مدرسة الرياضيات (تخصص علوم) الموقرة تأخذ النتائج من كتاب المعلم وكتاب المعلم مافيه طرق..
عرفتوا الآن ليش الطريقة #الناتج..دااااائما.. منافسة غير شريفة..
أستاذة التفسير كانت مربية الفصل الثاني ..وأنا الأولى على المدرسة(اذكروا الله) والبنت الثانية
(قابعة)في الفصل الثاني.
وحنا نحب بعض كثييييييييييييير بل إننا من قبيلة وحدة..
لكن أستاذة التفسير مو معجبها كذا فلازم تقلل من درجاتي عشان البنت الثانية تتفوق علي..
ودايم تقول لها ليش ما تصيرين عليها الأولى..
ويوم جاء امتحانها عطت الفصل الثاني أسئلة سهلة.. معاني الكلمات وما يستفاد وشي تحبه قلوبكن..
وأسئلة فصلنا وبدون مبالغة (فسري فسري فسري) أحد يصدق كل الإسئلة فسري؟!! إلا آخر سؤال..
أخيرا..
كل الفصل درجاتهم في الحضيض وأنا أخذت الدرجة الكاملة!!
طولتها وهي قصيرة..وظلمت المسكينات (واحر قلبي عليهن) ...
ولكن ليس لي حيلة فيما جرى ..وش أقول غير (منافسة غير شريفة!!) (ياشين النميمة!)
كانت تسوي حالها طيبة معانا وفتحنا لها قلوبنا الصغيرة.. ومرة قلت له يا أستاذه حنا خبينا المسطرة الخشب عن أستاذة الرياضيات
المسطرة الخشب المعروفة وهل يخفي الخشب!!
خبيناها عشان ماتضربنا استاذة الرياضيات.
قالت يا حليلكم لا تخافون ماني معلمتها..
المهم ماصدقت خبر (ماينبل بفمها زيتونة) الحصة اللي بعدها دخلت علينا أستاذة الرياضيات وهي معصببببببببببببببببببببة..
(فين المُسطرة إنتي وهيَ طلعوها بسرعة..تحسبونني غبية ما أفهم!!)
ياشين النميمة وأهلها.. (هلا لنفسك كان ذا التعليم!!)
أرسلتني استاذة الدين تقول روحي لإستاذة فلانة خليها تعطيني أسئلة ثاني ابتدائي..
غريب الأستاذة ما تدرس ثاني ابتدائي وش تبغى بالإسئلة؟!
وفعلا رحت للأستاذة الثانية وقلت لها ..عطيني الأسئلة..
قالت إرجعي لأستاذتك وقولي لها ماني معطتها الإسئلة إلا (بفلوس)..
عاد أنا مأمورة يالله الستر والعافية رحت وقلت الكلام بحذافيره..
قامت ضحكت وقالت لي خلاص ارجعي فصلك..
بعدين بدأ عقلي البشري يفكر ويقول..
لييييش تبغى أسئلة ثاني ابتدائي..
أها الآن عرفت.. تذكرت إن بنت الأستاذة (المحروسة) في ثاني ابتدائي!!
حسنا..
هلا لنفسك يا أستاذتي كان ذا التعليم!!
*
*
يالله يا الحبيبات ..نبغى أخطااااء.. ومواقف.. علما بأن الموضوع هذا هدية مني للحبيبة donia حتى تتحفز وتنسى الألم وتدخل..
يالله يا (دنو) همتك بالمواقف..
دمتن فاضلات..
__________________ !
!
!
وداااعا ..
التعديل الأخير تم بواسطة هاجسية ; 16-05-2007 الساعة 09:06 AM.
ويهجوووووووووووووووووسةحبيبتي وشذي المدرسة الليانتي فيه
معقووووووووووووووووووول
اصلا الضرب ممنوووووووووووع وين مديرتكم
والباقي ماقول غير حسبي الله ونعم الوكيل
وش ذا الزمن كلهمصالح
واللي قاهرني راعية الفلوس
الله لاينجح بنتها ماني مصدقة
والله انسدت نفسي مع هالصبح
الله يصبرك ياقمررررررررررررررررررررررر
__________________ كم أشتاق اليك يامكة وما أبهاك وأجلك ياكعبة..
أم أسيد مشكورة على البطاقة ياعمري..
أمـــوت و يـبـقـى كـل مـا كـتـبـتـــه ذكــرى....
فيـا ليت كـل من قـرأ خطـي دعا لي..
ويهجوووووووووووووووووسةحبيبتي وشذي المدرسة الليانتي فيه
معقووووووووووووووووووول
اصلا الضرب ممنوووووووووووع وين مديرتكم
والباقي ماقول غير حسبي الله ونعم الوكيل
وش ذا الزمن كلهمصالح
واللي قاهرني راعية الفلوس
الله لاينجح بنتها ماني مصدقة
والله انسدت نفسي مع هالصبح
الله يصبرك ياقمررررررررررررررررررررررر
حبيبتي المديرة هي بنفسها تضرب
وايم الله بدون مبالغة ..أما قضية الضرب ممنوع فهذا قرار خليهم يبلونه ويشربون مويته
وعشان ما يضيق صدرك المدرسة هذي تركتها وهالحين أنا أدرس في مدرسة تسواهم وتسوى طوايفهم..
يالله عاد أنتظر المواقف ياشمس
امزح معك بل قمر 14..
دمتي..
هاجسية..
ماعندك اليوم دوام ياهجوسةةةة
ولاغااااااااااااااااايبة
اسكتي قبل أمس قلت يوم الثلاثاء بغيب..
وكلمت وحدة من صديقاتي في المنتدى وقلت لها ماابغى اداوم الثلاثاء..
قامت قالت لي هذي عادتك لازم كل اسبوع تغيبين وليش اذا كلمتيني تجيك رغبه في الغياب..
عاد الله يسلمك قمت وداومت عشان ماتتعقد البنت..
واليوم ماقدرت أمسك نفسي عن الغياب..
عاد لاتقلدوني تراي ماني مسؤولة عن المقلدين..
شوقي يقولُ ومادرى بمصيبتي!! (ممنوع دخول المعلمات)! 
(يابعدي والله لو بكيفي ماتصيبهن الشوكة)
العرض العادي
