إعـــــــلان

تقليص
لا يوجد إعلان حتى الآن.

من أسراري لطبخ الرز المفلفل - عبير النحاس

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • من أسراري لطبخ الرز المفلفل - عبير النحاس

    اليوم طالع ببالي غيّر جو شوي عن القصص و المقالات و حابة احكي عن الطبخ و الأكل

    بصراحة كل ما بفكر بلش بريجيم بتبدأ معدتي بتذكرني بالأكلات الدسمة و الطيبة و بتجي على بالي كل الشغلات الممنوعة

    لهيك عم قول بحكي على النت عنها أحسن ما روح على المطبخ و اسكب شي صحن و خرب الريجيم اللي لساتو بأول عمره

    هلأ بنجي للجد

    بصراحة أنا لما تزوجت ما كنت بعرف اطبخ و كل شي بعرفه كان شغلات بتناسب العشا و ما كنت اسمع كلمة أمي لما تقول :" تعالي اتعلمي"

    المهم رحت على بيتي و كل اللي ببالي اني رح أعرف طالع متل أكلات الماما لما بتعلمني اياها على التلفون

    و كملت القصة لما لقيت انو أكلات حماتي طيبة كتير و بتنهدى لملوك متل ما بيقولوا و تخيلوا على هالورطة

    المهم جربت بابن هالحلال كل التجارب اللي نزلت وزنه و كان يصبر شوي و يعلق شوي و يتأسف على أكلات أمو كتير

    بس بعدين و مع الخبرة بلشت مظاهر أكلاتي الطيبة تبين على وزن زوجي بس بقي ما بيعترف بوصولي لمرحلة بتنافس حماتي ... شي طبيعي و كنت عم اعذره و عم قول حرام خلي يكسب الرضى

    المهم كان لما بساوي أي أكلة بجنبها رز مفلفل يجيب زبدية و يعبيها رز و يقلب الزبدية على الصحن و بيطلع الرز متل شي قالب و بعدين بيحط الفلفل و بيقعد يتنغم بالرز بس بصمت ولما بسأله : " كيف شفتلي هالرزات بيقول: " يعني ماشي الحال بس مو كتير عم يلمع " و لما بقول مو شايف كيف الحبة أخت الحبة يعني مو مخبوصين أبدا و طالعين تمام كان يقول:" يمكن مو مستوي منيح"

    المهم ما عدت تأملت بمديحه الصريح و كنت اكتفي بشوفة عيونه عم تغزل فرح لما بساوي شي عزيمة و بتطلع السفرة شي ظريف و كمان لما بيتنغم بالأكلات و بياكل فوق طاقته و بعدين بيحاول يهضم بالسفن أب

    و أحلى شي صار معي برمضان لما بعتت لحماتي صحن ملوخية و صحن رز لأنها بتحبها و أنا اشتهيتلها اياهن فاتصلت فيني تاني يوم على البيت و كان الأستاذ موجود و شكرتني و قالت بالحرف: شو هالرز يا عبير و الله شي طيب كتير هاتي خبريني لشوف كيف بتعمليه

    و طبعا خبرتها و رفعت صوتي لحتى يسمع الأفندي و كان عم يتفرج على التلفزيون و يبتسم لأنه فهم قصدي منيح

    بلا طول سيرة و أكيد طولت بس كنت حابة ساوي تشويق للأكلة و أعطيك أسرار الرز المفلفل اللي أكيد بتحكي عن شطارة ست البيت و بتخلي الواحد ياكل و هو ما بدو يشبع و لما بيطلع معك طيب ادعيلي دعوة بظهر الغيب.

    هلأ القصة انو الرز الصغير كل مرة بيجي شكل بس بعد خبرة لقيت انو عيار كل كاسة رز كاسة مي بتناسب كل أنواع الرز المصري و الإيطالي و غيره و غيره

    طيب كيف بنشتغل

    يا ستي أنا لقيت انو أعمل الرز بالزيت النباتي و السمنة البلدي أو ال*****ي أحسن شي و بهالطريقة بتاخدي نكهة السمنة البلدي و بتاخدي فاعلية الزيت النباتي على الرز اللي بيعطيه لمعة و ما بيخليه يتخبص على بعضه

    و الطريقة

    بندوب معلقة سمنه و شي نص كاسة زيت نباتي صغيرة و لما بتسخن بنحط الشعيرية و بنخلي النار هادية و بنقلبها لحتى يصير اللون زهري تمام

    بعدين ننزل الرز بعد ما نغسله كويس لأنه لو ما كان الغسيل كويس بيطلع مو طيب

    بنحرك الرز لحتى يشرب الزيت و السمنة و بنضيف المي و الملح و بنحرك منيح لحتى نشيل اللي لزقوا بالطنجرة

    بنقوي النار شوي لحتى يبين الرز و بيصير مراية و هون بنهدي النار و بنحرك مرة تالتة كويس و بنغطي الطنجرة و بنتركه شي عشر دقايق على النار الهادية كتير

    بعدين بنطفي النار من دون ما نفتح الطنجرة و بنخليه شي عشر دقايق بعدين بنفتح و بنحرك قبل ما نصب بالجاط و نحط الفلفل على الوجه

    و صحتين و هنا

    عبير النحاس
    التعديل الأخير تم بواسطة عبير النحاس; الساعة 22-09-2010, 05:33 AM.
    موقع الأديبة عبير النحاس

    صفحتي

  • #2
    السلام عليكم ورحمة الله وبركاته


    ماشاء الله عليك أ.عبير

    القصه ماهي قصة وصفة فقط , أنتِ عطيتنا أمل في إجادة الطبخ

    سلمت يداك .



    تعليق


    • #3
      سلمت يداك أ\عبير

      بالنسبة للسمن البلدي أمي تعمله بالبيت لكن ماجربته مع الرز راح أجربه

      وجربي طبخ الرز باأواني الفخار وأدعيلي عيني ..شكراًلك

      تعليق


      • #4

        ماشاء الله أ/ عبير خلي البنات الي ما بدهم يتعلموا يشوفوا
        انا عن نفسي لا بأس عندي خبره ^ ^ تعتبر جيده

        وطريقتكـ سهله وأن شاء الله نجربها
        كأني شفت مامي تعملها ..
        خاصه مع الفلفل يممم طيبه كثير ..

        تسلمي أ/ عبير وشكراً

        ،؛
        بشائر خير يارب *


        اﻷشيَاءَ الجَمِيلة
        لَا وجُودَ لَها !
        إن لمْ تَنْظُر إليها بـ
        "قَلبِــكـ" ~

        تعليق


        • #5
          المشاركة الأصلية بواسطة هدى العتيبي مشاهدة المشاركة
          السلام عليكم ورحمة الله وبركاته


          ماشاء الله عليك أ.عبير

          القصه ماهي قصة وصفة فقط , أنتِ عطيتنا أمل في إجادة الطبخ

          سلمت يداك .

          هلا بالغالية

          شرفت المكان أختي الكريمة

          صحيح الطبخ أمر سهل و لكنه يحتاج للمران و التشجيع

          و بعد معاناتي بت من أنصار دخول الصبايا للمطبخ و تدريبهن مبكرا

          سلمت أخية

          كل الود
          موقع الأديبة عبير النحاس

          صفحتي

          تعليق


          • #6
            المشاركة الأصلية بواسطة خمائل مشاهدة المشاركة
            سلمت يداك أعبير

            بالنسبة للسمن البلدي أمي تعمله بالبيت لكن ماجربته مع الرز راح أجربه

            وجربي طبخ الرز باأواني الفخار وأدعيلي عيني ..شكراًلك
            هلا غاليتي

            كمان رح استنى النتيجة

            ممكن و الله أواني الفخار لا قبلها و لا بعدها

            بس اشتري شي طنجرة فخار رح جرب إن شاء الله

            كل الود لقلبك
            موقع الأديبة عبير النحاس

            صفحتي

            تعليق


            • #7
              المشاركة الأصلية بواسطة ورده العُمري مشاهدة المشاركة

              ماشاء الله أ/ عبير خلي البنات الي ما بدهم يتعلموا يشوفوا
              انا عن نفسي لا بأس عندي خبره ^ ^ تعتبر جيده

              وطريقتكـ سهله وأن شاء الله نجربها
              كأني شفت مامي تعملها ..
              خاصه مع الفلفل يممم طيبه كثير ..

              تسلمي أ/ عبير وشكراً

              ،؛

              مرحبا بك

              روعة أن تكون لدى الصبايا خبرة

              تدخل على الأقل إلى بيت الزوجية و هي واثقة من نفسها

              عقبال فرحتك يا غالية و تتهني بحياتك

              كل الود
              موقع الأديبة عبير النحاس

              صفحتي

              تعليق


              • #8
                لم تبعدينا عن روائع قصصك المعتادين عليها في كل مكان,,


                جميل جداً حكاياتك عزيزتي ,,

                عطيتينا أمل نصير ستات بيت كلاياتنا هههه

                دمت بود



                تعليق


                • #9
                  ياهلا والله بأستاذتنا الغالية
                  وهالمرة بطبخاتها المميزة
                  ،،
                  شكل هالرز كتير حلو ، في حدا من قريباتي الستات الكبار بيعملو شبيه بهالرز
                  صراحة طعمه شهي كتير ..
                  تسلمي على هيك وصفات منشان يتعلمو الآنسات والستات ..


                  ماننحرم من حضوركِ الجميل

                  ياربّ حمصٌ مُزّقت أوصالها
                  والسترُ يُهتكُ في ربوعِ الشام
                  فاجعل عيونَ المؤمنين قريرة
                  بدمشقَ ترفعُ رايةَالإسلام
                  ...
                  Abu Tamim

                  تعليق


                  • #10
                    سلمت يداك أ..عبير ...

                    والله شهيتينا امممممممم

                    تعليق


                    • #11
                      المشاركة الأصلية بواسطة ابتسامة الدنيـا مشاهدة المشاركة
                      لم تبعدينا عن روائع قصصك المعتادين عليها في كل مكان,,


                      جميل جداً حكاياتك عزيزتي ,,

                      عطيتينا أمل نصير ستات بيت كلاياتنا هههه

                      دمت بود
                      هلا بالغالية

                      ما أكثر ما يبهجني حرفك الودود و روحك الطيبة

                      لا حرمت الأجر

                      و رزقت الخير و السعد

                      كل الود و المحبة

                      أختك
                      موقع الأديبة عبير النحاس

                      صفحتي

                      تعليق


                      • #12
                        المشاركة الأصلية بواسطة الوجــــد مشاهدة المشاركة
                        ياهلا والله بأستاذتنا الغالية
                        وهالمرة بطبخاتها المميزة
                        ،،
                        شكل هالرز كتير حلو ، في حدا من قريباتي الستات الكبار بيعملو شبيه بهالرز
                        صراحة طعمه شهي كتير ..
                        تسلمي على هيك وصفات منشان يتعلمو الآنسات والستات ..


                        ماننحرم من حضوركِ الجميل
                        هلا وجد

                        تسلمي يا غالية

                        اكتشفت بعد زمان قضيته في المطبخ أمورا منها أن الأمر تجربة و تكرار يا حبيبة

                        و المهم هو أن نخوض التجربة و لا نيأس عند الفشل

                        سلمك الجليل و رعاك
                        موقع الأديبة عبير النحاس

                        صفحتي

                        تعليق


                        • #13
                          المشاركة الأصلية بواسطة فوزالعيد مشاهدة المشاركة
                          سلمت يداك أ..عبير ...

                          والله شهيتينا امممممممم
                          يا هلا و غلا

                          أسعدك المولى يا غالية

                          مودتي لقلبك
                          موقع الأديبة عبير النحاس

                          صفحتي

                          تعليق


                          • #14
                            والله زوجك ابن حلال يا عبير
                            أعرف وحده تزوجت ماتعرف تطبخ
                            رحلها عن اهلها حتى تتعلم ويزوجوها مره ثانية

                            الزيت ممكن تحميه وترشي الرز به
                            يعطيك نفس النتيجة وطعمه طيب

                            والله شهيتيني أتغدى بلا رجيم بلا زفت
                            عندما تفترق بنا الطرق .... تبقى الذكريات

                            تعليق


                            • #15
                              المشاركة الأصلية بواسطة ندى آل خليفة مشاهدة المشاركة
                              والله زوجك ابن حلال يا عبير
                              أعرف وحده تزوجت ماتعرف تطبخ
                              رحلها عن اهلها حتى تتعلم ويزوجوها مره ثانية

                              الزيت ممكن تحميه وترشي الرز به
                              يعطيك نفس النتيجة وطعمه طيب

                              والله شهيتيني أتغدى بلا رجيم بلا زفت
                              هلا ندى


                              بوركت يا غالية

                              و أنا أشهد له أنه صبر و احتمل فبارك الله فيه و رزقه و المسلمين سعادة لا تنقضي

                              و الحمد لله أن كان عاقبة الأمر مهارة اكتسبتها
                              و عوضه الله خيرا على صبره

                              و ربما هي من نعم الله الكثيرة على أختك و التي لا نستطيع لها شكرا

                              جزيت خيرا ووفقت للخير

                              كل التقدير و الود
                              موقع الأديبة عبير النحاس

                              صفحتي

                              تعليق

                              يعمل...
                              X