عبدالله بن غنام

هلا أخوي فائق

يسعدني جداً مرورك وتعليقك

أما القصيدة

لا والله كتبت قبلها وبعدها

والغريب أنها من أحب القصائد عندي


وهي أسمها

حداء


وهي تشرح فكرة بسيطة

وتشرحها ببساطة

وبإيقاع سهل مرنم

أما بعد المشرقين فلا أراه

صحيح أن الشاعر يتكلم في ألف شأن

لكن دائماً هناك بصمة عميقة واضحة ثابته في كل شعره لابد أن تتكرر

وهي قاسم مشترك

خذ مثلاً على ذلك ، بما أنك عتيبي ، لابد وأنك سمعت وتحفظ لبندر بن سرور الشاعر الذي ملء الدنيا وشغل الناس .وأنا من أشد المعجبين فيه:

في كل قصائد بندر قاسم مشترك ، عزة النفس ، حدة الطبع ، الثقة في الذات ، الشرف ، الحكمة ، وذكر الله .
يعني فلسفة عن الحياة واضحة ومحددة دايم تتكرر.

على تباين قصائد بندر

عيا حلال القوم لا يشتغل ريس = بالسهلة اللي مثل لبة منيرة
في سهلة فيها المنايا متاريس = الماء خلص والموت قدم وزيرة

و

الهاف رووح وحط طريف من دونه = من الجزيرة تنحر يم عمان
يوم أن خطو الولد رزقه على شونه = رزقي على واحد ما هو بمنان

و

يابدر بن سلطان ما يبرد الجاش = الا نهار فيه للجد تشهير


وين قصايده هذي (( الثورية والتهريب )) من قوله :

من ينصح اللي يعتقد له بكهان = يشرك مع الله واحد ما يثيبه
.........
أنصحك ياللي رشك الشيب عميان = وادي جهنم حادر مع شعيبه
........
أفطن لكلمة ويل يوم للأنسان = في ساع ما ينفع المرو جيبه


و

يوم أسجد الغفلات خوفي من النار= اللي عيال البوم فيها يطيحون

و

أحدن ينام وحط راسه بكمه = وأحدن تخم النوم عينه وتخطيه


قارن بين القصايد هذي كلها وبين قصيدته اللي أعتبرها تعجيزية وبدعة زمانها :

سرى البارق اللي روس مزنه تنصت غال = على هجرة ابن سنون وأدنى الشبيكيه
علشان حصة جعل يسقيهم الوبال= والا عودت مالي ومال الـ.....يه
الا ياعيون اللي مواكيرها بالخال = توالي رقايب نجد ماهيب بحريه
تنقض شقر على ردفها ميال = ثخابط سبلهنه مطارق شراطيه
أو كما ذيل شقراء شعشعت في يد الزمال = تغانم ملز الشوخ يبغى الكرامية

الخ..


هل نقدر نقول بعدهن عن بعض بعد المشرقين ؟

طبيعي جداً الشاعر يكتب في ألف شان

لأن الشعر توثيق لمشاعر نفسه والمرحل اللي تمر فيها .

والنفس تمر بمراحل كثيرة وتمر بمراحل إضطراب قبل أن تصل للسكون والإستقرار

لكن يظل هناك بصمة واضحة من عمق شخصية الشاعر كقاسم مشترك في كل قصائدة .

لا يكون البعد فيهن بعد المشرقين أبد

الا لمن لا ينظر نظرة تخصص وذات عمق


تحياتي لك

وعذراً على الإطالة



(((( لي يومين أحاول أفتح الصفحة ، ومعليش لقد واجه المتصفح مشكله ويجب إغلاقه ، لين بغيت أفتح موضوع ثاني للردود فقط ))))

__________________